Inatsisartut Attaveqarnermut Pilersuinermullu aamma Ineqarnermut Ataatsimiititaliaanni sisamanngornermi ulloq 18. oktober 2001, nal. 11.00 ataatsimiititaliat ataatsimiittarfianni 2-mi isumasioqatigiilluni ataatsimiinnissaq.

Inatsisartut Attaveqarnermut Pilersuinermullu aamma Ineqarnermut Ataatsimiititaliaata Ineqarnermut, Attaveqarnermut Pilersuinermullu Naalakkersuisup Jørgen Wæver Johansenip ataatsimiititaliami isumasioqatigalugu ataatsimeeqatiginissaa kissaatigaa.

Inatsisartut Attaveqarnermut Pilersuinermullu aamma Ineqarnermut Ataatsimiititaliaata makku oqaluuserineqarnissaat kissaatigaa:

- Inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuummut UKA 2001/34-imut tunngatillugu Naalakkersuisuni ilaasortaq qinnuigineqarpoq pissutsit makku nassuiaateqarfigeqqullugit:

- siunnersuutip imarisai

- siunnersuuteqarnikkut siunertarineqartut

- siunnersuutip inuiaqatigiinnut kingunerisassai

- periusissatut siunnersuutigineqartup sooq toqqarneqarsimaneranut tunngaviit.

Inussiarnersumik inuulluaqqusillunga

Lars Sørensen
Inatsisartut Attaveqarnermut Pilersuinermullu aamma Ineqarnermut Ataatsimiititaliaata siulittaasua